زلطة سودا واقعة في كوباية لبن أبيض، ماعكرتش اللبن بس مكانها موجود.. اللبن لبن والزلطة زلطة مابيمتزجوش ببعض، كأني فوق وتحت بس مع بعض مابيكونوش في النص، الحدود بينهم واضحة.
الأبيض أبيض بجد.. أوي، وملهم.. رافعني فوق الأرض بشوية، بيلخبط وجديد ومدهش وماليني وأنا حرة. حرة وموجودة ومتشافة.
الزلطة متذبذبة، مش فارقة للدرجة بس منرفزاني، عشان مش عايزة أنشغل بيها وعشان ساحبة مساحات براحي مني ومعتدية على حدود بياضي.. أنا أوْلى.
تعبت وزهقت ومليت وكفرت للآخر.. ورجعت جديدة، الشكر للموسيقى والشغل والعيلة اللي قبلتني في شغل السيكياتري، الجروب ثيرابي.. وفلان الفلاني.
شكرًا للدماغ دي.. بتاعتي، والنفس دي.. إللى بتتغير. والمجد للرفض وقولة: لأ.
1 comment:
المدونة خدمات الصيانة خدمات الصيانة بالدمام خدمات الصيانة بالرياض خدمات الصيانة بالمدينة خدمات الصيانة بجدة خدمات الصيانة بمكة
Post a Comment